ATY AHO… (RRAG)
Mbola tsisy niantsa
(Nalaina tao amin'ny vetso.serasera.org)
ATY AHO…Aty aho!
Ilavitra anareo,
mahatsiaro ilay tanàna,
niaingako teo.
Te mba hiarahaba,
hoe:”Mba manahoana?”
Ampitain-davitra,
noho isika tsy afa-mihaona.
Aty aho!
Manembona ny any.
Aty aho,
toa velom-panontany,
izay mety hiseho any.
Toa efa tsy mahandry,
ny hialako ety,
hitady ilay fitia,
eo anoloanareo.
Aty aho!
Toa vaky mitomany.
Mitaintain-dava,
manahy ny tsy hahita,
ilay tanàna mamy,
ilavitra tsy hita,
filalaovantsika.
Ilay hany nampitambatra,
ireo fo nitritra,
mba hiara-kosambatra.
RRAG
Jolay 2012
--------
Rohy:
