“DALIAH”… (RRAG)
Mbola tsisy niantsa
(Nalaina tao amin'ny vetso.serasera.org)
“DALIAH”…Tsara felana ny raozy, tsara fototra ny lisy,
tokam-piaina raha ny vero, ny tatamo efa vitsy.
Fa ny “daliah” kosa, mamelombelona ny aina,
manafo mora ny herin-tsaina, hifohazan’ny maraina.
Manga felan’izy anefa, fotsy hoditra fitafy,
maitso ravina tanora, toa ela fiaina vao maty.
Toy izany ilay fitia, miboiboika ato anaty,
fahakely dia nitsiry, hitsiry foana mandramaty.
Mafy fototra ny paiso, tsara fihaingo raha mamony,
ratsy tototra ny lasa, mety handràtra fo tsy tony.
Fa ny “daliah” kosa, dia namerina namafy,
ilay fitia tokan-doko, zary efa matimaty,
tsy nananam-piry intsony, zary lasa lonilony,
nahatonga anao, nahatonga anao tsy hitony.
RRAG
20 Jona 2012
--------
Rohy:
