ETO… (RRAG)

ETO…
Eto amoron-doharano,
no mitamberina ‘reo lasa,
toa mahatsiaro ireo angano,
sy ny ankaso izay nandràtra.

Mahatsiaro anao ‘lay any,
mitanisa zava-bita.
Dia mandreto-mitomany,
mijinery ny eny ampita.

Eto amorom-patana eto,
no misavovona ny tsiahy.
Dia mandraiky toa misento,
ka hontsa hatramin’ny fanahy.

Mitomany hatramin’ny volana,
‘lay hany naman’iny aliko.
Mizoga vesatry ny olana,
‘lay nandrodana ny akaniko.

Eto anoloan’ity sary,
no manoratra mangina.
Dia mahatsiaro ireo omaly,
ilay nanaovantsika dina.

Eto aho no miandry anao,
na ho ela fiverenana.
Eto aho no hitalaho,
hiandry anao ‘lay fitehenana.
RRAG
21 Jona 2012
--------