ETO AHO… (RRAG)
Mbola tsisy niantsa
(Nalaina tao amin'ny vetso.serasera.org)
ETO AHO…Eto anoloam-batam-paty,
no miondrika mangina,
misento mitomany,
mizaka zogam-pijaliana.
Lasa hono mantsy ianao,
lasana nandao,
hoy ny laha-tany,
ka tsy maintsy mitomany.
Ny ranomasoko milatsaka,
toy ny orambe matevina,
tsy mba mety ny mitsahatra,
raha teo ianao angamba nievina.
Saingy indrisy vatam-paty,
misy vata-mangatsiaka.
Injao manindrona ny anaty,
fa hifarana ny antsika.
Eto aho!
Eto anoloan’ny sarinao,
sary tapa-mijinery,
ny ranomasoko milatsaka.
Eto aho!
No manao veloma anao,
dia miteniteny irery,
malahelo tafasaraka.
RRAG
21 Jona 2012
--------
Rohy:
