FONY IANAO VAO HITAKO… (RRAG)
Mbola tsisy niantsa
(Nalaina tao amin'ny vetso.serasera.org)
FONY IANAO VAO HITAKO…Fony ianao vao hitako, dia tiako sahady,
satriko isika, ho lasa mpivady!
Saingy indrisy anefa, fa ny nofinofy,
dia toy ny tosy omaly, ka mety ho mora hiofo.
Fony aho nahitanao, dia tsy nahajeri-maso!
Anio anefa ireny, toa miendrika ankaso,
satria ianao nandao, fa zary leo nionona,
ka nila ho isan’andro, no injao nimonomonona.
Fony ianao tinazako, niserana nandalo,
dia reko nivetso, ny foko ka nikalo,
mba hampivily ny tsikinao, hierika aty amiko,
ireny rehetra ireny, dia zary tsiahy tsy tantiko.
Tiako hofafàna, nefa misy anao!
Tiako hosasàna, nefa tokinao!
Tiako horavàna, ireo najarinao!
Tiako hialàna, fa loza mitatao!
Fony aho nitili-maso, anao ‘lay namindra,
dia reko koa ny foko, reko toa nifindra,
nanaraka ny dia, izay nolalovanao.
Nanaiky ilay fitia, tokim-bavanao!
RRAG
20 Jona 2012
--------
Rohy:
