HIEZAKA NY HIOVA AHO… (RRAG)
Mbola tsisy niantsa
(Nalaina tao amin'ny vetso.serasera.org)
HIEZAKA NY HIOVA AHO…Tompo ô!
Ekeko hoe mpanota,
tia misotasota,
ny anaranao,
ity zandrinao.
Ekeko fa mpandavo,
ny rindrin-tsara joro,
izay najoronao,
ho fitahian’ny avo,
ireto fo ‘zay toro,
mibebaka aminao.
Ekeko re ry Tompo,
fa meloka ny foko,
ninia nanalavitra,
ny dina izay natao,
teo anatrehan’ny lanitra,
teo anoloanao.
Tompo ô!
Hiezaka ny hiova aho,
mba ho fanilonao,
mpanarina ‘reo potraka,
mila tohatohana,
mpiahy ny trotraka,
resim-pandrosoana.
RRAG
21 Martsa 2013
--------
Rohy:
