HO AN’ILAY MALALAKO… (RRAG)

HO AN’ILAY MALALAKO…
Ho an’ilay malalako!
Ity ny taratasy, mety farany hosoratako,
mialohan’ny ialako aina, handao izato tany,
ento hampaherezana, fa aza mitomany,
fa efa izao no lahatra, izao no tendrin-tany,
ka tahirizo am-po tsy lao, fa mety mbola ho mamy.

Jereo ny zanatsika, fafao ny ranomasony,
i Dada hoe tsy eto, fa lasa any ampita,
nitady izay hahasoa, ny ankohonantsika,
dia voatery ny nandao, nandao izato taniny.
Ka noho ianareo, sy ny fony tsy mba manadino,
mbola hiverina izy, izaho hoe mbola mino.

Aza atao ambanin-javatra, ny fianarana horatoviny.
Ambarao azy fa ny lavaka, no mety ho sakan’ito tolony.
Mivavaha mafy hoe, fa i Dada hoavy eo ihany.
Na iza na iza ilaza atranga, izy hoe tsy maty izany?
RRAG
18 Jona 2012
--------