ILAY FIANGOTIKO… (RRAG)

ILAY FIANGOTIKO…
Ilay sento miary ireo tomany!
Ilay tsiky rako-tambitamby!
Ilay fihetsika maneho,
‘lay hanta arahim-peo!
No fiangotiko mazàna,
mpivahiny toa tamana.

Ilay ranomasoko nilatsaka!
‘Lay ‘zaho nianjera tampoka iny,
no tahiry mampanembona,
‘lay fiangotingotiko iny.
Ilay ràtra tsy mba sitrana!
Ireo fery izay nilona,
no tahiry nahavizana,
‘lay fo leo nisaona!
Nefa mbola sahy nitraka.

Dia ‘lay fiangotiko,
no fanafody hafa fiasa,
nampatsiahy ny voatahiriko,
izay napetraky ny lasa!
Dia io fiangotiko io,
tsy mba foanan-taona maro,
hita na dia nifangaro!
Eny, toa tsy lefin’ny fandio!

R’ilay fiangotiko,
raha teo mantsy izao ‘lay tokana,
fanehonao talenta!
Dia izy no hiangotiako,
tsy ho hisy fetra!
Ho tsiahy ho anao,
‘lay hany tsy nandao,
ry sento sy hafaliana,
Namam-pahazazako.
RRAG
11 Aprily 2012
--------