IRONY....RY NENY...! (RRAG)
Mbola tsisy niantsa
(Nalaina tao amin'ny vetso.serasera.org)
IRONY....RY NENY...!Irony tsiky an'adim-piainana,
fanafina endrika tsy ho hita hoe trotraka!
Irony toman'ny fanaintainana,
an-tsori-tava no minia mirotsaka!
Fa tsy sakana mihitsy tanoloan'i Neny!
Na izy mangina 'lay tsy miteny!
Na izy mitata sy mivazavaza...
Aminy isika dia mbola zaza!
Ilay notrotroiny, ilay notantaniny!
Nokolokoloiny tanivon'ny ankaniny!
Irony ady mafy ry Neny tsy akory,
sakana, tsy nahatonga anao hiroso!
Ny alina ianao tsy nahita tory,
'lay 'zaho nitomany ka hoe nila botro.
Eny, 'lay 'zaho nila tamby,
'lay 'zaho niandry sangy!
Arahabaina ianao 'zay tratra fety!
Hamafiso ireo tsiky!
Ny tolo-pitia no atao metimety,
fa ny vola manify!
Tojo fahasahiranana ka aleo mitsitsy!
Efa lehibe e! Ka mahalala tsy misy!
Arahabaina ry Neny an'oroka mamy!
Anio, aleo aloha ny fiainana ho any!
Fa 'ndao mifalia, mitsikitsikia!
Asehoy hatrany, fa ianao, no tompom-pitia!
Tompony tokoa ka tsy mihindrana izany!
Ka aleo aloha any ny sento tomany!
RRAG
30 Mey 2021
"Arahabaina ny Reny rehetra tsy misy hanavahana!"
--------
Rohy:
