JINERY... (2012) (RRAG)
Mbola tsisy niantsa
(Nalaina tao amin'ny vetso.serasera.org)
JINERY...Ilay jinery indray mitazan’ilay masoko nitily.
Ianao ‘lay diso lalana, nefa mbola injay nivily,
tsy nahita ahy, fa diso toa variana!
Mety mbola mahatsiaro, an’ilay olon-tiana.
‘Lay antso indray nitoraka, tsy ren’ny fo nangina.
Nanaitra fo natory, novesaram-pahoriana.
Ka any toa variana, nisaona fa tsy tiana,
dia ninia namoy, ‘lay voady vita vina!
Tambesa-dràtram-po, no injay nanery mafy,
nanozongozon’aina, nahery ka tsy tanty.
Ka ‘lay jineriko nivilana, toa naviliko indray,
fa ‘reo ràtra toa nihilana, nandoro nahamay.
Ny rova izay natsangana, ho lapam-po mangina!
Saingy indrisy, fa toa zary fahoriana,
Eentim-po milevona, am-pasan’ny fitiavany!
Namoizany ny lasa, ‘lay hany fiotazany,
ny siokam-pitia, tsy matin-taona maro!
Dia ‘lay sioka tokana, tsy mbola nifangaro.
Ilay jinerinao sariaka, nitsiky toa nangarika!
Ilay endrikao kanto, tsy mba nisy marika,
no toa fahotana, nanosika ny masoko,
an-dava-kadalana, ka zary fatorako.
Ilay fiakanjonao, toa tsy nisy henatra!
Izato akanjo fohy, ny fe toa nivelatra,
no vato iray nanohana, ny tongotro tsy hiampita.
Raha azoko natao, aleo samy vita!
Ny fakam-panahy, izay nentinao,
no antsy miantratra, loza nitatao,
hitambesatra amiko, raha hamadi-pejy.
Ka ny sisa azo atao, dia miandry izay ho tendry!
RRAG
Aprily 2012
--------
Rohy:
