LALAON’NY VOARY… (RRAG)
Mbola tsisy niantsa
(Nalaina tao amin'ny vetso.serasera.org)
LALAON’NY VOARY…Mandiha toa tsy nahy ny voary rehetra.
Manaraka mora ny filanton’ny rivotra.
Miara-mirona tsy mba manam-petra.
Milantolanto sy mihovitrovitra.
Ny voro-misioka, manara-mozika.
Ny ala miredona, ny kalon’ny voary.
Ny rivo-misosa mitondra hatsiaka,
no nampandiha, ny ivon’ny tany.
Milalao ny voary, iray manontolo.
Miara-miredona, hiram-pahafahana.
Ny raozy, ny lisy, ‘zay tsara fikolo,
no porofo mitaratra, ny tadim-pihavanana.
RRAG
13 Janoary 2013
--------
Rohy:
