MBOLA TSY HITA HATRAMIN’IZAO… (RRAG)

MBOLA TSY HITA HATRAMIN’IZAO…
Fitanisako eny foana, fa handroso ihany ianao,
nefa! Mandeha ‘ty ny fotoana, mbola tsy hita hatramin’izao.

Firesadresaky ny foko, fa tsy ho ela, ny fahafahanao,
saingy indrisy fa toa nofy, mbola tsy hita hatramin’izao.

Fitatatatako matetika, ny foto-pahavononanao,
saingy indrisy fa ny tetika, no mbola toa tsy hanananao.

Manjaka loatra ny hoe: “Izaho”, dia hadino ilay “Isika”,
toa isan’andro vaky izao, no efa re ny mitanisa,
izay hampandroso azy, ny isam-batan’olona.
Fa rahoviana vao hiaiky, ka hiaraka ny hitolona?
Hiaraka ny hiroso, ho an’ny firenena!
Hiaraka handroso, tsy hisy tia tena!

Fambara re matetika, ny hanasoa anao.
Saingy, efa tsara tetika, ny hanangona ny harenanao.
Dia mody mitanisa, zavatra tsy ho hefainy akory.
Ka iny dify tsy hita, raha vao ianao resi-tory.

Aiza? Aiza hatramin’izao? ‘Lay fahafaha-nambara,
fa toa fampanantenana, efa tsara rindra tsara.
Saingy indrisy, ry fireneko, mbola tsy hita,
ary ahiako, atahorako tsy ho vita.

Firesako eny, teny foana, fa ho mpandresy ianao,
nitsimbadika ny taona, fa mbola tsy hita hatramin’izao.
Ry fireneko, fa rahoviana? No hahaleo-tena ianao,
efa ela no voavina, saingy, mbola tsy hita hatramin’izao.
RRAG
Jolay 2012
--------