MISY… (RRAG)
Mbola tsisy niantsa
(Nalaina tao amin'ny vetso.serasera.org)
MISY…Misy any ho any,
fo mitia anao mangina.
Ka aza mitomany,
fa hoavy foana ‘lay tena tiana.
Misy any ho any,
fo maniry anao mafy.
Mandreto-mitomany,
raha sendra ianao, zava-tsy tanty.
Ireny fo ireny,
tsy tokana fa maro.
Mody tsy miteny,
fa mifangaroharo.
Dia mibitsika mangina,
manafosafo anaty nofy.
Satria ianao ‘lay tiana,
tsy ahafahany mitosy.
Misy any ho any,
fo iray ‘zay mitomany,
noho ny setrasetranao.
Ny ranomasony fafao,
hampangino koa ny fony,
amin’izay izy tony.
RRAG
21 Jona 2012
--------
Rohy:
