NILAOZANAO… (RRAG)
Mbola tsisy niantsa
(Nalaina tao amin'ny vetso.serasera.org)
NILAOZANAO…Na dia nangina, mody tsy niteny aza ianao,
dia fantatry ny tiana, fa nanomboka efa lao.
Leo ny adin-tsaina, nanototra ny tena,
dia lasana ianao, nandeha namono tena.
Ny ranomasonao anefa, dia mbola ity tavela,
mihazona mafy, ‘lay olon-tianao.
Io ihany mantsy, ilay fatoran-tady, efa hatramin’ny ela,
nampifandray hatrany, azy taminao!
Na dia tomany, no nasesikao, ny alahelom-pony,
satria ny anatinao, aza tsy nety tony.
Dia naleonao, nandao ny fiainan-tany,
nefa tsy tan-tsainao, ilay fony nitomany.
Fa nilaozanao!
RRAG
12 Martsa 2013
--------
Rohy:
