NITOMANY AHO FA MATY ILAY MIMY…! (RRAG)

NITOMANY AHO FA MATY ILAY MIMY…!
Neny ô! Latsaka tsy satry, noho ny alahelo, ny ranomason-tavako.
Raha nahita ireto, zana-tsakakely, fanintsin’ny jineriko.
Misaona mi-miaomiao, anoloam-bata-mangatsiaka, mivalampatra eo anilany.
Mitomany angamba ireo, fa lavon-dahatra ‘lay reniny, ka tsy hisy ny hifihinany.

Neny ô! Nitomany aho, fa maty ilay Mimy, tsy mba manan-kialofana.
Toa sakasaka dia, tsy mba fanta-tompo akory, mitady izy vao homana.
Dia injay kamboty toa tsy fidiny, ireto anaka, nateraka.
Honjohonjo teny ho eny, adin’izy samirery, ka nahatonga azy ho reraka.
RRAG
19 Desambra 2014
--------