TAMIN’INY… (RRAG)
Mbola tsisy niantsa
(Nalaina tao amin'ny vetso.serasera.org)
TAMIN’INY…Nanoroka ny molotro, ianao dia injay nanosika!
Nanosika ahy hianjera, tam-parafaranao.
Nasorinao avokoa, sy novahànao ny bokotran’
ny fitafianao, ka nitolona ahy ianao.
Norovitinao ny akanjoko, ‘njay toa natsipinao!
Notsofinao ny jiro, ary avy eo natontanao.
Dia teo ilay fotoana, mamy indrindra no nanomboka,
teo ny tantara, vao tena niantomboka.
Minitra vitsy teo, indrisy! Vita ny hadalana,
ianao sy izaho tsemboka, tsemboka hafanana,
dia nisento moramora, ary nanangom-pitafiana.
Dia nanao veloma, hoe: “Veloma re ry tiana!”
Io no andro farany, nahatazanako anao,
voalohan’ny tantarako, misy diam-peninao.
Dia io ‘lay hadalana, tsy maty an’eritreritro,
manaloka isan’andro, manaloka ny efitro.
RRAG
21 Jona 2012
--------
Rohy:
