TANINDRAZANA… (RRAG)
Mbola tsisy niantsa
(Nalaina tao amin'ny vetso.serasera.org)
TANINDRAZANA…Lafovidy ianao ry tokana, tsy amidy ihany koa.
Mety hisy ny mpisompatra, fa toniako ho anao ny fo.
Ry tanindrazana malala, tokan’ny aiko eto an-tany.
Tsy asiako salasala, ny hiady ho anao hatrany hatrany.
Volamenako ianao, aina tsy manam-paharoa.
Tsy mba tia mizahozaho, miady foana ho an’ny fo.
Firaisankina no manambatra, rafi-tany tsy hita soritra.
Fo mitia indray mitambatra, no injao miaraka manosika,
ny fahavalonao misetra, mikiry ny hanimba anao.
Dia minia manao fihetsika, mety hahatezitra ny fonao.
Ianao ry tanindrazana, no fihavanana mivaingana,
tsy fitara-mora vaky, na koa fo iray manamaivana,
ny fitiavana madio, rafitr’asanao ihany.
Saingy indrisy ianao anio, fa miaina anatin’ny tomany.
May ny ala maitsonao, ny lapanao efa nodorany.
Tsy hita ireo mahery fonao, ny sasany ‘lay nofatorany.
Fa hatahorany hitroatra, handrava tetik’ady vitany.
Dia nataony tsara raoka, tsy nasiany sisasisany.
Tanindrazana malala, sarobidy loatra ianao.
Taminao ny hafanana, nentim-po hatramin’izao.
Handresena fahavalo, izay nandrava fihavanana,
ireo no isan’ny dahalo, tsy mba namana, tsy mba namana.
RRAG
Jolay 2012
--------
Rohy:
