TENY AN-TRATRANY IANAO… (RRAG)

TENY AN-TRATRANY IANAO…
Niova ny dina, misaona ny foko,
fa ianao ‘lay tiana, no tsy maintsy hafoiko.
Ka indro, toa embona sisa, no mamatotra mafy,
ny dingan-tsy vita, mamery ao anaty.

Teny an-tratrany ianao, no tsinjoko omaly,
tsy nahita ahy akory, sady toa falifaly.
Varia-misioka, nefa mbola tsy tafita,
dia maika mihitsy, ny hamita ny antsika.

Teny an-tratrany ianao, no tazako omaly,
tsy mba tsapanao, ity foko izay mijaly.
Toa mba nanantena, fa ilay fifanekena,
izay vita voady, dia fatoran-tady,
tsy mety vahàna, na koa hamahàna.

Teny an-tratrany ianao, no reko niteny,
fa hoe tsy nahajery, ny tsiky izay voarakitra.
Voarakitry ny masony, ‘zay volamem-pijery,
manganohano fotsiny, miandry fo handrakotra.
RRAG
Jolay 2012
--------