TRA-PAHORIANA… (RRAG)
Mbola tsisy niantsa
(Nalaina tao amin'ny vetso.serasera.org)
TRA-PAHORIANA…Misy tokoa ve andro voatokana,
hitomanian’ny fo tena tia?
Ary hisy fitia tsy mety ho voafolaka,
fa samihafa vina ny mpifankatia?
Moa hisy alahelo, tsy tiana hovakiana,
milona ao anatin’ny fo efa kivy?
Ka ‘reo voady vita sy ireo faniriana,
dia an-jaoridiran’ny isan-tsafidy.
Fa tra-pahoriana ny fo ao anaty,
dia mieza-mamafa ny lasa rehetra.
Satriny hodorana ireo‘zay tsy tanty,
nefa ny heriny dia toa manam-petra.
Ka indro tavoahangy no zary an-tanana,
natao mpamafa ny fery tsy zaka.
Ny rano mahery no zary toa namana,
fa ny hafa nantenaina dia isa-mpandatsa.
Tra-pahoriana dia mamono saina,
mikiry manadino ny ràtran’ny omaly.
Saingy indrisy tsy sahy mitaraina,
ka mizaka irery ny hahamafin’ny jaly.
RRAG
19 Martsa 2018
--------
Rohy:
