VELOMA HOY NY FONY… (RRAG)
Mbola tsisy niantsa
(Nalaina tao amin'ny vetso.serasera.org)
VELOMA HOY NY FONY…Veloma! Veloma hoy ny fony!
Veloma! Ny fitiavany ih! Efa tsy any intsony!
Efa nanadino, ireny lasa mamy.
Efa toa nahita, akany tany ho any!
Aza omena tsiny, raha any no safidiny.
Aza fondroina akory, raha tsy nasiany vidiny,
ny fitiavanao! Fa izy sahy nandao!
Tsofi-rano fotsiny, tsy hisy raorao.
Raha toa ka mety ho any, ny akanim-pahasambarany!
Na koa mety any, no misy ny fiadanany.
Dia aza tanana izy, fa aleo handeha hisintaka!
Ny fitiavanareo mihitsy, no indro feno fitaka.
Veloma hoe, ry sombin’ny aina izay nitondra,
fitia fanalahidy, namahana irony zoga.
‘Lay hany fanafody, toka-nanasitrana,
nanarina ny lavo, nanohana ny vizana.
Veloma hoe, ry olom-po nandao!
Any izy any, aoka tsy ho kilalao.
Sao ‘ndray ho fisarahana, tahaka ny antsika.
Dia hangina irery izy, hitolona ny hatsiaka.
Veloma hono hoe, raha hafatra ampitaina,
sao lahy izy, mbola miasa saina!
Manenina amin’ny vita, na dia nanao veloma.
Tsy anjara hoe ny antsika, matoa, ravan’ny fotoana!
Veloma hoy izy, tonga izay ‘lay hafatra!
Mety tsy mirindra, mety tsy ho tonga lafatra!
Fa ny hany tanjoko eto, dia ny resaka ho tafita!
Veloma hono ianao, fa efa tena vita. Vita!
RRAG
10 Jona 2012
--------
Rohy:
