AMPIO FA TSY SAHY (jyno)

Ray o! Ireny fahotako, ireny hadalako
angataham-pamelana
Toy ny jaky izy ireny fa ho fotsy hangatsakatsaka
raha toa ka hosasana
amin'ny Ran'ny Zanakao
'lay nahafoy ny ainy hanavotana ahy
Ray o! Diso aho!!!...
Ampio hitraka fa tsy sahy!

Fa marefo itony nofo ka nandentika ahy
tamin'ny lavaky ny ota
Tsy nanaja ny "Olona" nampiavaka ahy
fa avy dia nisotasota,
nandratra sy nanimba
ka nandoto ny Fanahy.
Ray o! Diso aho!!!...
Ampio hitraka fa tsy sahy!

jyno
Ambondromamy
30 Dec 2013
--------