You are here: home > Vetso

MANDEHANA RY FANAHIKO - jyno

Azo vakiana?

Mandehana ry fanahiko, vangio izy izao.
Orohy izany molony dia izao no lazao:
"Arahaba hono hoe, hoy ilay tsy manadino;
raha sendra mahatsiaro, am-bavaka izy no vimbino!"

Dia atolory azy avy eo iny tara-bolana iny
ho mari-piarahabana sy ho tsiaron'ny fahiny.
tandrovy tsara tsy haloto ireo tarany madio.
Ataovy tsara fono fa andro fety manko anio.

Dia aza malaky mody fa otriny tsara izy.
Ampifalio sy ankaherezo, tohano mafy tsy ho kivy.
Omeo azy an-tanan-droa 'lay vonin-draozy manitra.
Avy eo izy ampijereo ny vahana eny an-danitra.

Omeko azy manko ireny raha izay no mba tiany.
Ampiako habakabaka aza raha toa mbola iriny.
Aoka izy ho safononoka fa andro fetiny androany.
Omeo azy mbamin'ny rano sy ny zava-tsoan'ny tany.

Dia ny rakitry ny foko no atolory azy farany.
Dia soraty tsara eo ivelany ny mariky ny anarany.
"Ilay akama hono hoe tsy hanadino anao mihintsy
ary iny volana iny no solon-tenany mitsiky."

Mandehana ry fanahiko lazao azy any izany.
Manina azy aho fa tsy afaka noho ny elanelan-tany.
Veloma hono hoe, masina, mandra-pihaona.
Antenain-kifankahita any volana any taona.

JyNo
Antsakoamaro/Ambondromamy
09 jona 2012

Mombamomba

Mpanoratra : jyno

Nampiditra : jyno
Daty : 01/02/2015
Mpamangy : 946
Mankafy : 0

Tononkalo hafa

TSIKY
EFA FANTATRAO
ORA MAMIKO
AMPIO FA TSY SAHY
HAVANA
IZY IREO
MADE
MBOLA HO TAFARAY
ANATRA
VAVAKY NY OSA