JIRO MITSILOPY - MAHEFALISON

Azo vakiana?

Indreny fa mirentirenty
ny jiron’ny fanala,
manazava,
toa hampisava
ity ali-mainty mamanala.
Ankizy maro no miventy
ny “arendrina taratasy”;
ny aty ihany no mangasihasy.
...Fa ny jironay aza moa,
mitsilopy hatramin’izao.

Misandrahaka aok’izany
ny afomanga any ho any,
zary ilo manazava
‘ty lambamainty izay manarona
ireto olona mandalo;
ny aty ihany no manafin-tava,
mijaly mafy toa valala an-karona,
mitampify toa mimalo.
...Fa ny jironay aza moa,
mitsilopy hatramin’izao.

Hanim-py tsy hay visaina
no nomanin’izy ireo,
fa fety hono no andrandraina,
fety hono no hiraina;
ny aty ihany no mitoreo,
zary tany karakaina,
tsy misy rano, tsy afa-miaina,
zary voly tsy hay jerena
tsy misy orana handena.

Dia hamindro manoloana
ny pitik’afon’ny kitay
no mba handanianay
izao takariva moana.
...Fa ny jironay aza moa,
mitsilopy hatramin’izao.

Hevitra mandeha

petakasoa (18/06/2010 18:41:33)

Raha jiro nitsilopy
no nateza hatr@ izao
dia azo antoka sy toky
haharitra hatr@ maraina vao

fa ny afo miledaleda
mora levona ihany
ary ny sakafo feno antenda
tsy haharitr'ela fa ho lany

MAHEFALISON (21/06/2010 05:38:26)

Mankasitraka....

Hametraka hevitra

Midira aloha

Mombamomba

Mpanoratra : MAHEFALISON

Nampiditra : MAHEFALISON
Daty : 18/06/2010
Mpamangy : 1091
Mankafy : 0

Tononkalo hafa

SAMBATRA
TSY NIAMBOHO ADIDY
NANKAIZA IANAO?
Mbola ho lava ny Alinao!
NY ADIKO
TIAKO
TSARA MANDRY RY ALINA!
SORONA
FITO METATRA
TAKON'ILA