Iza? (Ny Radontsoa Mamiratra)

Mason’iza no tsy hibanjina raha sendra ianao mandalo?
Fon’iza no tsy hidoboka raha vao seraninao?
Mpamoron-kira iza no tsy hivimbin-kalokalo
sy tsy handraraka ny vetsony raha vao mahita anao?

Tranon’iza no tsy ho lapa raha vao hitoeranao?
Tsikin’iza no tsy hitranga, ho fambara faniriana?
Redin’iza no tsy hiraraka hiantsa ity hakantonao?
Zazavavy iza no tsy ho tia anao mangina?


Ny Radontsoa Mamiratra
20/08/2018
--------