Izay!!! (Ny Radontsoa Mamiratra)
Mbola tsisy niantsa
(Nalaina tao amin'ny vetso.serasera.org)
Raha toa hasambara-malia ho rava amin’ny volana ambony
no entinareo mba hitia
sy hampitaha ity foko amin’ny fony ...
Dia tsofiko rano 'nareo.
Ary aza ampidirina akory
amin’ny resakareo aninkeo
ny "izaho" fa toa manorisory!
Raha toa ka fitia randram-bao
no hany mba misy sy hita
ao anatin'ny fonao ao,
Dia aleoko tsy hisy ny "isika"!
Fa ny hasin'ny fitia trotroiko:
Mahery noho 'reo langonao;
Tsy hariako ary tsy holotoiko
amin’ny resaka fy sy lalao ...
Koa dia omen-dalana ianao.
Ny Radontsoa Mamiratra
Novambra 2023
--------
Rohy:
Sokajy :
Eritreritra mandalo - Aingam-panahy
Hametraka hevitra
Midira alohaMomba ny tononkalo
Mpanoratra : Ny Radontsoa MamiratraNampiditra : ravelonarivomirado2001
Daty : 21/11/2023 11:18