Kalo diso paika ... (Ny Radontsoa Mamiratra)

Mivolombolom-panahiana
ireo hirahira avy any:
Kalom-panahy malahelo …
Fa ‘lay saham-pifaliana
notataovim-paharavàna,
efa lolo sy avelo …

Ny foko izao toa nofy monja,
eny anivon-drano lalina,
lalaovin’ny tafiotra …
Ny tanako eto voafonja,
tsy afaka ny mba hanarina
ny hambo lavon-jioga.

F'ilay anjely natao mpiambina
ny foko saro-pady,
toa nanjohy ny habakabany;
Nahalavo an’ireo tanjon’
ireo kiriko niady
ny hitampify eo an-tratrany …

Ô! Ry kalokaloko eto,
rahoviana vao ho tsiky
no hafafinao ety?
… Atanjozotrako ny sento,
anaronako ny ts’isy
sy andevenako fitia …

Ny Radontsoa Mamiratra
20/06/2024
--------