You are here: home > Vetso

MILA ANAO IZY - Ravanondrazana

Azo vakiana?

MILA ANAO IZY

Aiza àry ianao, mba hanohana ny ainy!
F'ianao no hany sisa, taranaka hantenainy,
Handrehitra fanilo efa maty hatramin'izay;
Hanala fahamaizinana ho paradisa indray.

Aiza àry ianao, mba hijoro foana hatrany!
Hamerina ny hasina na koa ny fomban-tany.
Hiaro sy hamoha ireo kolontsaina saika lefy.
Ho masina ny fady ka ny fomba tsy azo atefy.

Aiza àry ianao, ho sarotiny amin'ny tenany...
Tsy hanaiky hobotrina ao anatin'ny harenany.
Sanatria ny dimby no tsy hatratra izany intsony,
Ka fahantrana hono no anjara avy any ambony!

Aiza ary ianao, fa efa anao ny fahefana...
Hampamiratra ny hoavin'ny taranaka any afara.
Meteza hahay hanova ny toe-tsaina efa ratsy;
Meteza ianao hamerina ny maha MALAGASY.

RAVANONDRAZANA,
28 MEY 2019

Mombamomba

Mpanoratra : Ravanondrazana


Nampiditra : Ravanondrazana
Daty : 29/04/2020
Mpamangy : 274
Mankafy : 1

Tononkalo hafa

TENY ROA
TENA TIA
EKENA
HO DORIA
SIDINA
ANDRO VOALOHANY
ANDRO FARANY
HAFATRA
METEZA
MENATRA AHO