REHEFA (Ravanondrazana)

REHEFA

Ny fiainam-pijaliana
no henika hafaliana,
Rehefa eo ianao.

Mangina lasa moana.
Mibanjina anao foana,
Rehefa eo ianao

Ny ora na manenjika
Tsy reako mihetsika,
Rehefa anilanao.

N'ovina dia mazoto
Mandeha mitotototo,
Rehefa hilainao.

Fanahiko no tsapako
Misitaka ny vatako,
Rehefa orohanao.

Ny aliko eto an-tany
toy ny an-danitra any,
Rehefa handrianao.

Ny rivotra sy hatsiaka
Ny orana aman-driaka
dia rava sy nandao
Rehefa eo ianao.

RAVANONDRAZANA
24 novambra 2020
--------