FITIA RATSY TONO… (RRAG)
Mbola tsisy niantsa
(Nalaina tao amin'ny vetso.serasera.org)
FITIA RATSY TONO…Fitia nangalarina,
ny ahy sy ny anao!
Tsy dia tena marina,
fa toa kilalao!
Fitia lalim-paka,
anefa ny fotony.
Fitia voambaka,
hatrany amin’ny tonony.
Fa izaho tsy nihary,
ianao tsy nikolo.
Ka tsy lavorary,
fa fitia ratsy tono.
Tsy tsara nahandro,
fa manta anaty.
Tsy tara-masoandro,
toa fitia efa ho faty!
Fitia ratsy tono,
no nifampizaràna!
Toa feno honohono,
hatrany am-piandohana.
Fitia fandeferana,
nefa tsy tana!
Toy ny niserana,
ilay hafanana!
Ratsy tono tsy masaka,
ny fitia nandrahoana!
Ferin’ny lasa ka,
tsy maintsy hohadinoina!
RRAG
11 Jona 2012
--------
Rohy:
