MISEHO TSY MAHALALA... (RRAG)
Mbola tsisy niantsa
(Nalaina tao amin'ny vetso.serasera.org)
MISEHO TSY MAHALALA...Mimamo amin'ny taoka miary labiera,
migoka tavoahangy fa tsy misy vera!
Midoroka setroka anivon-tsigara,
ilay misy voany koa ry tsy miala!
Dia 'ndrao fa misidina ny eritreritra,
masoandro miposaka lazai-milentika!
Manonofy ny hoe ary elatra,
hay moa ka nofy ity mampitselatra!
Mampihogahogan'ny atin'ny fo,
mampihevi-tena fa tompon'ny loha!
Dia manandran-tsakafo lazaina ho raitra,
ity voatsako antsy mpanata-jaitra!
Miseho tsy mahalala ny vokatry ny revy,
ka rehefa tsy mahazo dia injao migrevy!
Miteli-moka ny zava-tsy fihinana,
dia midingin-drambo hoe miaka-pidinana!
Nefa aiza hisy rano hiakatra izany?
Raha hoe mbola tany koa moa 'ty tany!
RRAG
22 Desambra 2020
--------
Rohy:
