ALINA (Tsiky Mitia)

Mbola tsisy niantsa

Hangataka antsa
(Nalaina tao amin'ny vetso.serasera.org)
ALINA

tonga indray ny alina, mangina ny tontolo
saingy ny eritreritra, manidina toa lolo
misaina ny ho avy iatrehana ny fiainana
hoe inona no atao? ahoana no iainana?

lasa ny vinany, tsy mandry izany saina
toa lava koa ny alina, mbola ho ela vao haraina
mihodina ny tena, mivadibadi-mandry
ahoana indray ny ampitso? inona no hiandry?

ry alina mangina natao ialàna sasatra
moa ve ianao mba mety hanova zavatra?
sa nofinofy ihany no azonao atolotra
rediredy anaty, tsy mivoaka eo imolotra

alina, alin-kisa andefasana vinany
ventso anaty saina miampita any ho any
alim-pitoniana @ endrika ivelany
fa tena eritreritra manidina no avelany

Tsiky Mitia
--------
Rohy:
1500 2
Hametraka hevitra
Midira aloha
Momba ny tononkalo
Mpanoratra : Tsiky Mitia
Nampiditra : tiamitsiky
Daty : 05/08/2016 05:33
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0105