ASA MISY FAFINY (Ravanondrazana)

ASA MISY FAFINY


Ianao ilay olon-tiany.
Maminy sy tompony, hatramin'ny fahiny.
Ianao ilay miakanjo mitsidika isan'andro
Ny ankany manasaraka,
Ny misy an'izy mianaka.

Rehefa injay maraina,
Dia niova ho biby saina
No sady tsy mitsitsy...
Jereo ny sombiniainy
Fa natokanao mihitsy...

Ny donginy tsy tapitra,
Kanefa ianao miharitra
Ny mety hofifandirana,
Satria ianao te ihinana...

Mbola ataonao ihany ny
Misafo ambony ambany;
Amin'ny tana-malalay
Efa zatra mandraindray,
Izao vatany malefaka...
K'atao tsy anki-petraka
Misafo ny any aoriany.
Fa ao no mahasorona
Manova anao ho tiany.
Kanefa vono vorona e!

Hay fika fotsiny io!
Hiterena izato nonony;
Hamoaka ny rononony,
Ho vola kely anio.


RAVANONDRAZANA
01 febroary 2021
--------