ho anao (Z'ANDRYGASY)

Tiavo fa nosin-drazana
Mababo ny mpitazana
Nosy tsy manam-paharoa
Sady meva no soa

Fa izaho tsy mitsaha-mikalo
Hoe:tiako ka tsy atakalo
Ny fitiavako azy tsy mety miala
Fa Izy no reny malala

Ry taranaka dimby sy fara
An-tsika rehetra i Gasikara
Koa anafarako anao ry tanora
Ny asa miandry An-tsika tsy mora

Aoka hatao modely
Hamela-mamy toa renin-tantely
Ka ho zanaka gasy tsy malemy tohitra
Fa ho kiady aron'ny VOHITRA

Ny hazo-maina no mitsangan-tsy velona
Hodorana Izy ireny, ho lasa lavenona
Fa isika indray
Aoka mba hiray
Hiara-hitsangana
Mba hanangana
Sy hanangona
HERY, DIA HO GASY VANONA
Z'ANDRYGASY, 23 MAY 2002
--------