Ny any ambanivohitray (Z'ANDRYGASY)
Mbola tsisy niantsa
(Nalaina tao amin'ny vetso.serasera.org)
Tselatra mandalo, alina mangina, Mamoha alahelo, ahatsiarovan'olo-tina.
Soamiditra, Soamiditra : lalaon'ankizy
Mahamanina, mampanembona izay ts ' izy
Antsam-borokely, eny ambony ratsan-kazo
Saina mihareraka, aina mila tsy ho azo
Noho ny hanina tomefy
Sy fahatsiarovana tsy voarefy
Any izay i zoky, i zandry ary Dada sy i Neny
Hoy ny vetsovetsoko tsy ankiteniteny
Ny rivotra mitambolona
Manditsoka antanin'olona
Ahatsiarovana ny any ambanivohitray
Niarahanay niandry osy rahatr'izay.
Ireo feo-milina mirimorimo takariva
Ahatsiarovana ireo feon'antsiva
Ka anembonana indray
Ny any ambanivohitray
Z'ANDRYGASY
--------
Rohy:
Sokajy :
Fahatsiarovana