IO FITIAVANA IO (MPANAZARY)

IO FITIAVANA IO

Toa mila hanempotra ahy indraindray
Ilay rivotra entinao ry fitiavana mahamay
Toa afo mandoro,mampangotraka ny anaty
Ka raha ilaozanao dia miha mirehitra tsy taty

Toa rivotra hafahafa, mitondra ankasomparana
Indraindray anefa toa vahatra ifaharana
Tsy hay adinoina sady sarotra levonina
Vao mitsiry kely d'efa haingana mamonina

Fitiavana a? mamono sy mamelona
Fitiavana a?manadala ny olombelona
Fitiavana a?mandrotika,mandrava
Fitiavana a?tsy mba azo hahaizam-bava

Indraindray ianao toa mila ho fanina
Ataon'ny fitiavana tsy mahalatsak'anina
Mila hamono tena aza moa raha sendra voadona
Ka raha tsy misaina kely dia ahitaham-boina

Io fitiavana io
--------