AZA ASIANA - NY HERIMAR

Azo vakiana?

AZA ASIANA

Aza asiana sento na tomany
ny ora iray handaozako ity tany;
Aza asiana alahelo na ranomaso
mba ho reharehan'ny mpanakaso.

Aza asiana fahatsiarovana
na segondra iray monja aza,
satria ny tany fandalovana
ka tsy tokony hahagaga...

Eny aza asiana hadihady,
Aza asiana famotopotorana;
Aza asiana famaly sy ady
ity vatako kontsan-dranonorana.

Aza asiana kabary sy resa-dava
ity fitiavako may sy kilanao;
Aza asiana hiaka sy tabataba
fa avelao fotsiny amin'izao.

Aza asiana fanafody satria sitrakao
ity foko maratran'ny antsim-pitia;
Eny aza sakanana fa avelao ho izao
ity fitiavako vao tanora mba hiriaria.

Eny...aza asiana fotsiny na dia tsiaro
Ireny fotoana nampisy korana;
Aza tsiahivina sao hifangaro,
Ny lelambaravarana sy ny tolana.

NY HERIMAR
15/08/2017

Hametraka hevitra

Midira aloha

Mombamomba

Mpanoratra : NY HERIMAR

Nampiditra : Herimar
Daty : 07/09/2019
Mpamangy : 124
Mankafy : 0

Tononkalo hafa

TETO AN-TANY
HAFA-DRAHALAHY (nasiana fanitsiana)
NA TSY NATAO
NY RAY AMANDRENY
HAVAOZIKO ILAY VOADY
RY TANORA
IANAO MANTSY
IO FITIAVANA IO
VONJEO i GASIKARA
NY LALANTSIKA