RAHA FITIA TSY ANJARA (NY HERIMAR)

Mbola tsisy niantsa

Hangataka antsa
(Nalaina tao amin'ny vetso.serasera.org)
RAHA FITIA TSY ANJARA...

Raha fitia tsy anjara ry zanako,
Tsy atao loatra hamoizam-po;
Efa maro ihany nisampa-ny lalako,
Ary mafy fanonja izay tokoa.

Rahefa voadonam-pitia setrasetra,
Midira ao an'efitra dia mitomany;
Tsy hanindroa izao no tarigetra,
Anatra ho ahy ny latsa androany.

Saingy raha raha nidona, voadona foana,
Tsy mahazo kivy na mivarilavo;
Ho sitrana ny ratra avalon'ny fotoana,
Ho tonga tsy ho ela ilay tena babo.

Ny diam-bala aza mety misarona,
Moa va ny fo izay itoeran'ny aina?
Zava-tsy nety iny tsara avalona,
Aleo tokantena toy izay ferinaina.

Ianao indray tsy ho lany zara,
Ny sobika aza mba manan-tandrify;
Miandry kely aloha fa ao afara,
Izao ranomaso hiova tsiky.

NY HERIMAR
14/07/2023
--------
Rohy:
454 0
Hametraka hevitra
Midira aloha
Momba ny tononkalo
Mpanoratra : NY HERIMAR
Nampiditra : Herimar
Daty : 14/07/2023 15:51
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0795