FANTATRAO VE? (NY HERIMAR)
(Nalaina tao amin'ny vetso.serasera.org)
FANTATRAO VE...Fa izay rehetra nataonao:
Manidina toy ny valala;
Na soa ny fihetsikao,
Tsy hotsaroan'ny tsy mahalala.
Fa ny soa nomenao azy,
Rivo-mihelina ihany;
Raisiny ho vazivazy,
Rano raraka an-tany.
Nefa tsarovy ralandikely,
Ralandy saro-tiavina;
Hatrizao dia mbola miely
fa ny tany saro-diavina.
Tsy ianao no ratsy akory
Fa izany no lalàn'ny tany;
Ka izaho no tsy lany ory,
dia noho ny sentoko ihany.
NY HERIMAR
Janoary 2016
--------
Rohy:
https://vetso.serasera.org/tonokalo/ny-herimar-ny-herimaro-ny-h/fantatrao-ve
Sokajy :
fiainana
