HAVAOZIKO ILAY VOADY - NY HERIMAR
Azo vakiana?
HAVAOZIKO ILAY VOADY
Ifonako malala ireo vitako hatrizay,
Ny nampirafesako anao tany an-kafa;
Diso ankehitriny, mifona fa fay,
Manenjika ny saiko 'reo nenina sy latsa.
Noheveriko tokoa fa hahasolo anao
Ilay tsara firafitra hitako omaly,
Kanefa tsy ela dia iny nandao,
Namela fery sy nampitondra jaly.
Nodiako tsy hita ilay hatsaranao
Tsy ananan'ny maro fa anao irery;
Feno fandeferana, tsy be raorao,
Izaho tsy anao, tsapako fa very.
Eto anatrehan'ny tany aman-danitra
no anavaozako indray izao voady izao:
Ny fitiavako malala tsy maintsy haharitra,
Hataoko sarobidy...tsy ho kilalao!
NY HERIMAR
13/08/2020
Fès.
Hametraka hevitra
Midira alohaMombamomba
Mpanoratra : NY HERIMAR
Nampiditra : Herimar
Daty : 14/08/2020
Mpamangy : 210
Mankafy : 0
Tononkalo hafa
MATOA...MATOA
IANAO MALALA
AZA AKASIKA AHY
FITIAVAN'OLON-DROA HOE?
MOA HAMPANINONA ?
TETO AN-TANY
HAFA-DRAHALAHY (nasiana fanitsiana)
NA TSY NATAO
NY RAY AMANDRENY
