IO FITIAVANA IO (NY HERIMAR)
Mbola tsisy niantsa
(Nalaina tao amin'ny vetso.serasera.org)
IO FITIAVANA IOIo fitiavana io mahagagagaga ihany,
Mampisy ny tsy àry, mamorona ny tsisy;
Io fitiavana io tsy takatrao izany,
Mandatsaka Tomany, mamelona tsiky.
Io fitiavana io mila anao mikolo,
Mila olon-droa tsy miantsara velatsihy,
Io fitiavana io mety ho lasa mololo,
Toy ny akanjo kontsa an-tavan'ny mpandihy.
Io fitiavana io mety maty, mety velona,
Miankina ihany aminao iantefany;
Ny vatana sy taolana aza zary lavenona
Moa va izay fasana ivelan'ny tany?
Io fitiavana io mety tsy tamana
Rehefa leo fitaka sy lainga tsara tototra;
Io fitiavana io koa dia fankahalana
Rehefa tojo fitia...ratsy fototra.
NY HERIMAR
Maroc
04/08/2020
18:30"
--------
Rohy:
