IZAHAY MAHANTRA - NY HERIMAR
Azo vakiana?
IZAHAY MAHANTRA
Fantatro efa ela f'izahay olo-mahantra,
Tsy be fitarainana satria efa zatra;
Ny fijalian-mangirifiry no mba sakaizanay,
Raha resaka fiadanana tsisy fantatray.
Izahay olo-maro longo manao dia maro
Saingy olon'ny masoandro fa tsy mba tataro;
Tsy anananay hatrizay raha ny hasomparana
Fa zaranay indrindra raha mba misy manana.
Indrisy...izahay mahantra vodifahatra ihany,
Ihandronan'ireo ratsy eto ambony tany;
Raha misy zavatra tsy hita na koa tena very,
Dia izahay madinika no ampiharana hery.
Izahay mantsy tsy mba manana ny ariary,
Moa ny sakafonay rahateo anana fa tsy vary;
Ka tokony ianareo na hitsara ety ivelany
satria jamban'ny vola ka tsy mahita izay erany.
Ny lambanay rovitra satria tsy mba manana,
Ny mampiseho ny fanafina, reharehan'ny mpanana;
Dia naleonareo nividy efa rovitra indray,
Tsy mba fantatrareo fa ny anay tsy sitrakay.
Hatramin'ny zanantsika marina moa efa tsy mitovy,
Ny anareo mihinan-kena, ny anay voky ovy;
Ny anareo na nandra aza mahazo toerana ambony,
Fa ny anay manam-pahaizana lasa mpiloloha gony.
Izahay lasa mpifidy na dia manam-pahendrena,
Mametraka ny mpanana izay mpambotry firenena;
Mamitaka anay madinika mba hahazoana toerana
Kanefa izahay avy eo tsy mba asiana fiheverana.
Tsy maninona anefa fa ny mahantra dia izay,
Efa tsy im-pito voafitaka fa mbola tsy fay
satria mbola manantena foana fiainan-tsaratsara,
Ary vonon-kosorona ho an'ity GASIKARA.
NY HERIMAR 04/04/2019
Mombamomba
Mpanoratra : NY HERIMAR
Nampiditra : Herimar
Daty : 06/09/2019
Mpamangy : 375
Mankafy : 0
Tononkalo hafa
HO AN'I DOXTARATASY HO AN-JANAKO
RY ZANAKO VAVY
MISY FARANY
ANA-JOKY
Mpianaka MATIM-BONINAHITRA
TE HO POETA AHO
TSIKY SY TOMANY
TSY MAINTSY MANAIKY
Ho AN'I DADA MALALAKO
