MISY FARANY - NY HERIMAR

Azo vakiana?

MISY FARANY.

Misy farany avokoa ny zavatra rehetra,
Na tsara na ratsy misy farany avy;
Misy farany avokoa, mandalo, misy fetra,
Sarobidy ny fotoana, eny tena zava-pady.

Ny andronao omaly tsy tahaka ny anio,
Ny vintanao androany tsy azo ianteherana;
Misy farany avokoa, izany no tadidio
Hararaoty ary moa mba tsy hanenenana.

Misy farany ny lonilony, misy farany ny fitia,
Misy farany mantsy ny ety ambany lanitra;
Misy farany ny alahelo tsy mampatory, mampahia,
Eny.... satria andrinay Andriamanitra.

Rehefa tonga ny farany tsy maintsy handresy,
Ireo olo-mihaino sy  mijery ny hoaviny;
Fa amin'izany ireo  donto fetsifetsy,
Ny trosan'ny lasa tsy maintsy haloaviny.

NY HERIMAR
06/10/2021

Mombamomba

Mpanoratra : NY HERIMAR

Nampiditra : Herimar
Daty : 06/10/2021
Mpamangy : 133
Mankafy : 0

Tononkalo hafa

ANA-JOKY
Mpianaka MATIM-BONINAHITRA
TE HO POETA AHO
TSIKY SY TOMANY
TSY MAINTSY MANAIKY
Ho AN'I DADA MALALAKO
Moa ve misy?
TALAHO FARANY
AZA ANDRASANA
FEON'NY MANINA