You are here: home > Vetso

Mpianaka MATIM-BONINAHITRA - NY HERIMAR

Azo vakiana?

MPIANAKA MATIM-BONINAHITRA

Mpandray anjara : Ranary sy Madama Bako vadiny, Nasandratra zana-dRanary sy Bako, Hery, Sedra, Rakoto rain’i Sedra, Finoana mpiara-mianatra amin’i Sandratra, Fidy naman’i Hery, Capitaine, Zandary naman’i Sedra, Mpitsara, Mpanotrona mariazy,

Ranary : Avia vetivety ange ianao reniny a.
Madama Bako : Eny ho avy rainy ô. Fa ahoana izay ?
Ranary : Tsy izany fa mba te hanontany kely aho hoe manao akory kay ny fianaran’i Sandratrakely ao ? Otrany hitako lasa jejojejo mantsy ny anao tato ho ato izay ka sao de lasa an-dalan-kafa ny anao.
Madama Bako : Matokisa azy ianao chérie a, iny zanako vavy iny indray atokisako iny, tsy manao tsirambina ny fianarany zany.
Ranary : Eny ary ko.
…………………………………………………………………………………………………………………………….
Nasandratra : Neny ô, ato ve i Neny ?
Madama Bako : Eny re anaka a, fa ahoana akia izay ?
Nasandratra : Misy zavatra impossible teneniko an’i Neny ity.
Madama Bako : Lazao haingana fa efa maika ny haheno aki za a !
NaSandratra : Tena lasa mitapy amiko ange i Sedra sanak’i Rakoto e ha ha haha. Heveriny fa mikimpy angamba aho, hanao sipa ihany ve aho de bandy ohatr’ireny no ho ekeko. Achafadyy !
Madama Bako : Oadray akia ry Sandratra ! Tsara fanahy kosa akia izy iny e, sady otrany mahay be any am-pianarana. Raha mba mijery avenir aloha ndry de izy iny no faka vady !
NaSandratra : Iza koa ry neny no hiaraka amin’iny bandy pelaka iny a. Sady tsy mifoka no tsy misotro. Hahahaha, bandy mampirevy no ilaina amin’izao andron’ny fandrosoana izao e !
Madama Bako : Sao de mb hanenenanao izany vavanao izany anaka e !
NaSandratra : Izay ndray i Neny sy ny redirediny. Handeha za fa i Hery zao efa sasa-miandry ahy.
Madama Bako : Fa iza akia izany Hery ?
NaSandratra : Hofantatrao miandalana eny izy ry neny a !
………………………………………………………………………………………………………………….

Hery : Salut ndri ! Noheveriko fa tsy ho tonga intsony ange malalako e !
NaSandratra : Coucou elah !Tena désolée lesy fa Rabôfy koa anie mandagininina be amin’ty sermone e ! Mbola taraiky tamin’ny tatasiany lava tao ny sipa.
Hery : Tsy blème akia izany a ! Andao midira avy hatrany ato anaty fiara fa ny bandy akama efa sasa-miandry zay eny amin’ny bar an’Ambohipo. Anniversairen’i Fidy ange androany e. Revy jusqu’à l’aube ny androany e !
NaSandratra : avy de poinsa zany e ! Sady zaho koa tsy te hody any an-tanàna fa Rabôfy sy rabain ao be menimen foana !
Hery : Andao ary e ! ao aloha orohako zany malalako izany e !
………………………………………………………………………………………………………………
Rakoto : Mba manao ahoana ny fianaran’ialahy ao izay ry Sedra a ? Mandeha ihany ve ?!
Sedra : iny indray ry dada tena tsy misy olana ka ! Efa eo am-pikarakarana ny boky aho izao ! Matokisa ianao fa tsy hataoko kitoatoa io e ! Tsy manana lova ho lovaina ange za e !
Rakoto : Tena sambatra lesy aho manana an’ialahy ka ! Indrisy ny fahoriako kely de ny vadiko efa lasa any ankoatra…..
Sedra : Mivavaka ho an’ny fanahiny isika ry dada a ! Izy efa tsy anjarantsika intsony. Hianatra tsara foana aho satria mino aho fa hitsiky izy any ho any rehefa mahita ahy tafita.
Rakoto : Eny marina izany anaka. Fa hono ho aho, inona marina no mba tian’ialahy ity hatao rehefa vita fianarana ?
Sedra : Saika hanao mpitsara aho fa rehefa nandinika ny tsy fandriam-pahalemana manjaka ity de tapakevitra aho ry dada fa hanao concours gendarme rehefa vita io licence-ko io a ! Aleo mandeha mamongotra ireny mpanao ratsy eto amin’ny firenena ireny e !
Rakoto : Tsy manakana izay safidinao aho anaka fa de tongavasoa ianao ! Izay fa mbola handeha hanary fakon’i madama Bako aho io. Mazotoa ise !
Sedra : Eny ry dada a ! Indrisy i dada efa reraka be iny nefa tsy maintsy mitady vola mba hivelomanay hatrizay ….Tsy maintsy miova ny fiainanay mianakatra indray andro any e ! Tsy ho mpiasan’olo mandrakizay !
…………………………………………………………………………………………………………………………………..

Madama Bako : Ary ndry lasa taraiky foana vao miditry ny trano tato ho ato izay ry Sandratra a.
NaSandratra : Avelao kosa ny sipakely mba hirevy ry Neny a! Life efa courte ity ve ny anareo mbola hakana lagy e ! Tany amin’i Hery za ry neny a ! Izany no tovolahy zanaka debabe eto amintsika, sady efa manana permi izy no lahitokana hatreo . Efa milamina ny anay roa ny avenir ry neny a !
Madama Bako : Ahoana tsara hoe ? Naleondry zany niaraka amin’izany lehilahy izany toy izay i Sedra ?
NaSandratra : O ry Neny a ! mba olona manankatao ohatr’izao ve ianareo de fakofakon’olo zao no ho vadin’ny vavitokanareo e ! hahahaha
Madama Bako : Ohatrany marina tokoa akia, sady Rakoto Rainy izao mpanary fakontsika . Mba menatra ihany tokoa akia izahay ray aman-dreny ka. Fa manao akory tsara hoe izany Hery izany ? iny Rakotofako iny ataoko mahita iny rehefa mandalo eo. Aleo afarako mba hijanona tsy hanadala an-dry intsony ny zanany.
NaSandratra : Tena marina izany ry neny a, ataovy mahita mihitsy. Sady mba mpanakarena no tsara hitambatra fa tsy ohatr’ireny olona tsisy apoaka ireny. Mahazo matoky i Neny fa tsy maintsy olona ambony no ho vinatonao e !
Madama Bako : Izany mihitsy akia !
………………………………………………………………………………………………………………………………..

Finoana : Dia ahoana akia ry Sandratra a, inona vaovaon-dry ? Ary metimety mihitsy ange ndry tato ho ato izay e !
NaSandratra : Aiza koa akia no metimety fa mba manalazy kely e ! Vaovao akia ?
Finoana : Tsisy vaovao aloha fa de izao eto andalam-pamaranana ny boky izaho io. Ary aiza ho aiza ndry zao amin’ilay izy ?
NaSandratra : Bôsy izany efa tsy klé e ! Za ange akia vavitokana e ! en plus i Hery koa debabe efa miantoka ! Ny anay ny avenir efa milamina be ! Fotoana sisa andrasana de atao ny raharaha e !
Finoana : Fa angaha akia tsy niaraka ianareo sy i Sedra ?
NaSandratra : Bandy sarimbavy iny koa akia hataoko inona a ! hahhahah ! i Hery akia etsy misolosolo fiara ko hatakaloko an’iny zanaka mpanary fakonay iny ve akia
Finoana : (miteny irery) Mbola manana chance izany ndry ry Finoana. Hataoko daholo izay fomba hahafantaran’i Sedra fa tia azy aho .
NaSandratra : Ary toa lasa variana akia ndry izany
Finoana : Gaga fotsiny akia izaho mihaino an’izany zavatra lazain-dry zany a ! Aza hadino zany zahay rehefa tonga ny andro malaza ko !
NaSandratra : Tsy hadinoko izany akia ndry a, meilleure amieko ange ndy e !! Ty ary izy efa hitsena ahy amin’ny fiara fa veloma ndry !
Finoana : Eny ary akia
…………………………………………………………………………………………………………………


Rakoto : Ato ve madama Bako a
Madama Bako : Fa aona ny anao izay e
Rakoto : Mba saika haka avance 50 mille tompoko izaho de alainao amin’ny karamako manaraka e ! Tsisy vola hamidy vary intsony mantsy izahay e !
Madama Bako : Tsy misy an’izany eo Rakoto a. Aiza koa no hisy karama mandeha alohan’ny asa izany.
Rakoto : ka ka…..
Madama Bako : Ka ka inona fa hoe tsy misy an’izany ho aho. Sady izao a, teneno dieny izao ny zanakao mba hanatsahatra ny fanadalana an-janako vavy. Ny zanako Ramose tsy homeko olona tahaka anareo velively a. Allez ianao miala ny tokonam-baravaranay sao hamindra ny fahantranareo aty aminay.
Rakoto : Miala tsiny re madama Bako ô !
Madama Bako : Miala any fa tsssss
…………………………………………………………………………………………………………………………………………………………….

Sedra : Fa misy inona ry dada ? toa maloka be izany endrikao izany ?!
Rakoto : Nindrana 50 mille tary amin’i madama Bako ho aho izaho fa vava ange izay nataony ahy izay e. Niafara tamin’ny roak’alika mihitsy.
Sedra : Ahoana tsara hoe ry dada a ?! Sao de mba efa tsy rariny ary izany ? Sa rehefa tsy manana ve de tsy maintsy atao tsinontsinona e ?!
Rakoto : Efa mahazatra antsika mafiady lesy izao fa tsy atao hahakivy a ! Ankinina amin’Andriamanitra fa izy no fianteherantsika mahantra !
Sedra : Mahereza ry dada a, tsy maintsy mbola ho tafita isika !
Rakoto : Fa marina ve izany ise manadala ny zanany vavy izao ? Anisany nanaovany vava ratsy ahy tao mantsy izany.
Sedra : Tiako tokoa iny zanany vavy iny ry dada a, saingy tsy hatakaloko azy iny velively ianao. Tsy ho noho i Sandratra mihitsy no hanekeko ny fanaovana tsinontsinona anao. Androany ihany de hofafako ny fitiavako azy na mafy aza izany . Sady izy rateo ange ry dada tsy tia ahy e
Rakoto : Tsy haiko anaka fa izay mety aminao atao e !
Sedra : Matokia ry dada fa tsy hanao izay hampahory anao aho ka !
Rakoto : Ary ahoana marina ny bokin’ise izao ?
Sedra : Efa vita ry dada a, amin’io zoma io ny soutenance, efa nindrana akanjo za hanaovantsika mianaka amin’io fotoana io.
Rakoto : Mafy loatra ity fahatrantsika anaka a(mitomany). Indramina daholo ny zavatra rehetra .
Sedra : Mangina aza mitomany i dada a, manàna finoana ! Tsy maintsy mbola hiposaka ny masoandrontsika e !
……………………………………………………………………………………………………………………………………………………


Finoana : Sedra, ary maika be izy izany a !
Sedra : salama ndry, vaovao ?
Finoana : Avy nanao soutenance za io, mention très bien !
Sedra : Félicitations akia ! Ary tsy mba niteny tamiko ndry
Finoana : Miala tsiny lesy e, tsy te hanana olana amin’ny dada koa izaho de naleoko tsy nanasa an’ise !
Sedra : Azoko akia ilay izy a, tsy maninona ! Tongava amin’ny zoma hanatrika ny ahy raha malalaka ndry !
Finoana : Aza manahy elahy fa tsy maintsy tonga zaho amin’io e ! Omeo numeron’lahy tokoa zah fa very mantsy ny téléphoneko de very daholo ny numéro rehetra tao.
Sedra : Ity ary raiso e ! 03…
…………………………………………………………………………………………………………………………………………

Finoana : Ary tsy ratsy koa iny Finoana iny a, sady sariaka be ! Marina fa toa lasany izany foko izany ! Mila calme tsara fotsiny aloha ialahy fa tsy maika be sao hanimba fifandraisana eo le izy e !
…………………………………………………………………………………………………………………………………………….

Hery : Misy plan milay be izay akia any ry Sandratra a, resaka sera taova ilay izy ! Vonona ndry !
NaSandratra : Isika ndray tsy mamela an’elah handeha irery izany ka ! Fa iza daholo aloha no ao ambadiky le sera e ?
Hery : Mazava ho azy fa Rafidy tsy maintsy élément foana e ! Rehefa vonona ndry de milam ny zava-drehetra. Amin’ny alin’ny samedi io no hanaovantsika an’le izy.
NaSandratra : Avy de sur rangah zan a ! milam e !
Hery : Andao aloha ateriko mody amin’ny vam ndry sao bedy fa efa manomboka mihalina izany andro izany.
Nasandratra : Andao marina sao be sermone eo ndray rabôfy.
…………………………………………………………………………………………………………………………………………………….

Sedra : Tena mention très honorable aho marina. Tsy very maina ihany ny fikelezanaiko sy ny ezaka nataon’ny raiko. Izato hafalian’i dada, sady nipatrapatraka ny ranomasony rehefa naheno ny tenin’ireo jurys izy fa mention très honorable ity zanany. Ny concours gendarme ity izao efa akaiky nefa aiza moa no hahitako vola handoavana droit. Tena tsy takatro mihitsy ilay vola. Herinandro anie sisa de mikatona ny fisoratana anarana e. Aleo angamba mitady karataka any aloha zaho de amin’ny heritaona mamerina. Efa tsy anjara ny amin’ity taona ity.
Finoana : Sedra, manao ahoana ise ! Ary variana be ange ianao izany e ! Encore félicitations aloha elahy e, sambatra ery ny ray aman-dreninao manana anao ; indrindra moa izay ho vadinao e !
Sedra : Misaotra indrindra akia !De misaotra anao ihany koa tonga nanotrona.
Finoana : Tsy misy fisaorana re a ! Ary ianao izany ange toa tsy de en forme zany e ! fa misy olana angaha ? Tantarao fa vonona hihaino anao ange za ry Sedra e, sao mba misy ihany azoko anampiana anao ?
Sedra : Eny e, hotantaraiko ihany raha toa ka tsy mampaninona anao. Izahay mahantra ity mantsy efa zatra tsisy fitarainana ka hany sadaikatra ihany ny miresaka izany olana izany amin’olon-kafa.
Finoana : Aza manahy fa tsy toy ny mahantra izany no nandraisako anao, sarobidy amiko ange ianao io e. Alefa ambarao ahy  ny olanao !
Sedra : Ny tena marina akia te hanao concours gendarme zah nefa efa herinandro sisa dia mikatona ny fisoratana anarana. Vola be ihany anefa ny droit ka izany no olako io.
Finoana : Hay ve izany e ! Aza manahy fa haloako ilay izy na hoatrinona na hoatrinona. Vonona hanampy anao izaho rahavako.
Sedra : Tena marina ve ? Tena olon’Andriamanitra ianao ry Finoana a. Mankasitraka be dia be. Tsy hahavoavaly izao izahay mianakavy.
Finoana : (Miteny irery) Raha mba fantatrao tokoa moa ry Sedra fa babonao ny foko dia angamba azonao ihany ny zava-drehetra.
Sedra : Ary toa tsy miteny ianao fa variana fotsiny.
Finoana : Azafady Sedra a, hadinoko mantsy nividy vazy fitoeram-bonikazo de zao vao tonga ato an-tsaiko. Handeha za fa mbola hividy an’izay vetivety. Alefako Mvola avy eo ny vola handoavana ny droit any amin’ny concours. Courage foana Sedra a !
Sedra : Eny ary e, sady miandry ahy i dada any an-trano. Misaotra betsaka akia Finoana a, amin’ny manaraka indray !
…………………………………………………………………………………………………………………………………………………………

Rakoto : Ay tonga elah ! Aho tato efa nitebiteby be ! Malaza be amin’izao fotoana mantsy ity resaka hala-taova ity e .
Sedra : ye tonga zah ry dada a ! Efa haiko tsara mihitsy fa mitebiteby mafy ianao tato izay. Azafady fa taraiky niresaka tamin’i Finoana zanan-dRatrema aho ry dada, de somary tara kely.
Rakoto : Tsy maninona fa mitandrema ihany r’ise a ! ialahy anie izao no mba fanantenako e !
Sedra : Aza manahy i dada ka ! Fa misy vaovao tena tsara ity ry dada a, haloan’i Finoana ange hono ny droit hanaovako concours de gendarmes !
Rakoto : Zany ver y ise ! Tena fanavotan’Andriamanitra lesy izany a ! Tena tsy nampoiziko ilay izy ! Ay tsy ny mpanakarena rehetra zany no manana ireny toetra ratsy ireny, tsy mitsetra ny sahirana akory nefa mba manao raharaha ho azy ! Tena mafy tamiko anie r’ise ny fanaovana tsinontsinona nataon’i Madama Bako mianakavy antsika zay e. Nefa aleo anAndriamanitra no hamaly azy. Mivavaka ho azy ireo koa isika mba hiova toetra ry zareo.
Sedra : Marina izany ry dada a, aza mamaly ratsy ny ratsy izany ! Fa raha i Finoana aloha de tena tsotra e ! Tsy toy ny maha zanaka mpanana azy. Angamba mba ho tsara ihany raha toa ka izy no lasa vinantovavin’i dada e ! hihihi
Rakoto : Tena tsara tokoa aloha raha izy e ! Fa ny concours aloha no omano fa izany ange ho tratra foana raha anjara ny anareo e !
Sedra : Eny ry dada a !
………………………………………………………………………………………………………………………………………………

Nasandratra : Ato ve i Neny e ! Vaovao tsara be ity !
Madama Bako : Fa ahoana akia izay a, inona izany vaovao nentin-janako !?
Nasandratra : Manomboka izao ry Neny dia tsy miantoka ahy intsony ianareo a ! Sady hividy fiara vaovao isika ! Jereo ange ity vata feno vola e !!
Madama Bako : ö ry lanitra ô ! Félicitations zanako ! fa ahoana aloha ny fomba nahazoanao an’itony e ?!
Sandratra : Sipa be ketrika sy 400têtes ange ity zanak’i Neny e ! Mandeha tsara ny bizinanay zao, miaraka amin’ny olontiko re a ! Tsy hitan’i Neny ve fa beau couple be izahay roa !?
Madama Bako : Hahaha izany mihitsy no tsy afoizako an’ity zanako ity ! Tena faly aho manana anao !! Tsy miandry toloram-potsiny ! Soa ihany aloha ianao tsy niaraka tamin’iny sarimbavy iny, le Sedrasedra zanaky Rakoto mpanary fako iny fa teo ndry no niveraka ! Zao mba lehilahy be ketrika no iarahanao, mba tsy mampihena ny voninahitra ananantsika fa vao mainka mampiakatra aza ! Aleo aloha asiana peho ny dimy kely hahahaha hoyy !
Nasandratra : Zaho ange ry neny tsy hampietry ny voninahitra efa ananantsika izany e !! Mbola misy sera koa izao afaka tapabolana any ambanivohitry Fianarantsoa iny, any amin’ny distrikan’Isandra iny e ! Raha mipoaka izany avy de volabe koa ! Tafa isika ry neny a hahaha hoyy !
Madama Bako : Andraso avy de hantsoiko aloha rainao hilazko an’ity vaovao mahafaly ity, izy izay mantsy tsy hody eo fa be dia be hono ny asany any am-piasana.
Allô rainy a !Vaovao be ange aty e
Ranary : Allô, fa misy inona no miantso alina be toy izao ianao malalako a ?
Madama Bako : Tena efa tafa hoa le zanantsika vavy e, vola be ity ! Nipoaka ny sera nataon’izy sy Hery !
Ranary : Afera inona izany ? Aho defa mampitandrina sao manao afera maloto any ka hanala baraka ahy a !
Madama Bako : Hanala baraka ahoana ndray e ! Vao mainka ary mampiditra voninahitra ho antsika izany ! Hividy fiara vaovao ange isika amin’io herinandro io e !!
Ranary : Aho tena tsy d’accord amina resaka afera maloto a ! Mampitandrina anareo mianaka aho ! Zay fa bonne nuit nareo !
Nasandratra : Fa ahoana hoy izy i dada ?
Madama Bako : Ohatrany tsy faly akory izy no tsy taitra.
Nasandratra : Avy ndray izay i dada sy ny tsy fahaizany mankasitraka. Rehefa tsy faly izy de avelao koa ho any fa ny bizina ndray tsy maintsy mandeha ry Neny a !
Madama Bako : Marina mihitsy akia izany, aho eto foana 1ère supporter akia aaan !!!
Efa mainka èry za hitaingina an’le fiara vaovao ! hehehe ! Andao amin’izay aloha hatory isika anaka fa alina be ity ny andro !
…………………………………………………………………………………………………………………………………………………………

Sedra : Dada a, dada a ! Afaka aho e !
Rakoto : Afaka inona r’ise a !?
Sedra : Afaka zandary ry dada a ! Ary rapitso ihany dia hanainga hanao formation rapide satria mafy be hono ny asan-dahalo sy ny hala-taova any ambanivohitra ka mila renfort ry zareo ! Ary avy de any no manao stage.
Rakoto : Arabaina r’ise a ! Tena mirehareha aho fa manana an’ialahy ! Isaorana ny avo !
Sedra : Misaotra betsaka dada a !
Rakoto : Ary efa nandre ve i Finoana ? Mba ilazao izy sady ataovy veloma koa fa rapitso ange ise de hanainga e !
Sedraa : Andraso fa hantsoiko vetivety izy ry dada a, de hanao rendez-vous izahay ! Mba atao surprise kely aminy ry dada a !
Rakoto : Ye izay ataon’ise fa ampandreneso fotsiny izy satria raha tsy izy mantsy tsy ho nisy izao fahafahan’ise izao !
Sedra : Eny ry dada a ! Allô Finoana a
Finoana : Allô, salama tsar ave ianao e ?
Sedra : oui salama tsara aho ! Fa izao e, afaka mihaona kely ve isika izao de izao, eny Ankadifotsy raha tsy raikitra ianao e ?
Finoana : Fa misy inona Sedra a ? Eny ary fa lasa aho !
Sedra : Zay fa handeha vetivety aho ry dada a, miandry ahy eny Ankadifotsy i Finoana.
Rakoto : Eny ary de aza alina be any ise e !
……………………………………………………………………………………………………………………………………………………………


Sedra : ay efa tonga sahady ianao
Finoana : ye ka matahotra be aho ko ! fa misy inona ? Salama ve aloha ianao e ?
Sedra : Tsy misy zavatra mampatahotra akia, vaovao tsara be ! Afaka concours re za a !
Finoana : hay ve vaovao mahafaly ohatr’izany e ! Félicitations, ao orohako ny takolakao !
Sedra : Merci beaucoup akia ! Fa zaore a, misy zavatra tiko homena anao ho fanomezana noho ny soa nataonao tamiko.
Finoana : Fanomezana inona ahoana e ? Ianao ary mba efa sahirana fa aza misahirana ny amiko e !
Sedra : a….Finoana a (mangovitra)
Finoana : Fa inona no mampiakanakana anao e, teneno zay tinao tenenina e !
Sedra : Finoana a, mamela ahy ianao. Raha sitrakao de atoloto anao ny foko, atolotro anao ny fitiavako noho ny soa nomenao ahy. Babonao re zah a, ny toetranao nanjono ny foko ka raiki-pitia taminao aho. De miala tsiny anefa raha toa ka manafitohana anao ny fandrenesana an’izany. Tiko re ianao a.
Finoana : (miteny irery) Ela ny ela ka nilaza ihany izy fa tia ahy, Dieu merci ! Raha mba fantatrao moa ry Sedra fa ela be aho no niandry io vavanao io hiteny an’izany !
Sedra : Toa tsy mamaly ahy akory ianao….Finoana a, ifonako re raha nahatezitra anao izany a !
Finoana : Tsia, tsia rahavako. Tsy hampiandry intsony aho fa izao ihany no fotoana hanambarako aminao fa raisiko am-pitiavana ilay fanomezana avy any aminao ary tiko ho fantatrao fa efa fotoana maromaro ihany koa zay no tia anao aho saingy niandry moa satria tsy anjaranay vehivavy ny miteny, moa ianao koa mbola tia an’i Nasandratra ka dia tsy afaka nanao inona ny tenako na dia mafy tamiko aza izany mitia mangina izany.
Sedra : Misaotra akia malalako a, avia horohako ianao ! Mampanantena anao aho fa hampiakatra anao an-trano ary tsy ho ela intsony dia hatao ny raharahantsika !
Finoana : izany !! Tena faly aho, misaotra anao ihany ko ! Raha mety aza dia aleo avy dia karakaraina dieny izao ny raharaha e, sady isika ity efa mihalehibe ka sao tara fananana anaka eo ko hihihi !
Sedra : Eny akia, marina izany. Fa ny olana izao dia tsy maintsy manao formation rapide aho rapitso satria mirongatra be hono ny asan-dahalo any amin’ny distrikan’Isandra Fianarantsoa iny ka tsy maintsy mandeha any izahay.
Finoana : Izay mahasoa akia ataon’Andriamanitra a ! Tongavasoa izany malalako izany, de ho tsara mandroso, ho tsara miherina ! Aleo rehefa miverina ianao de atao ny mariazintsika ! aza misahirana amin’ny fandaniana fa ny ray aman-dreniko ny miandraikitra an’izany e !
Sedra : Mety izany aleo rehefa miverina aho atao ilay izy ! Fa ilay hoe ray aman-dreninao miantoka ny lany aloha tsy de mety amiko e ! Aleo izay tsy ampy re no angatahana fanampiana avy amin’izy ireo a ! Mba efa zandary mikarama anie aho e, sady ambony grade koa !
Finoana : Eny ary e ! izay tinao ihany re a !
Sedra : Eny akia ry malalako a ! Andao amin’izay isika hody fa efa hariva ny andro, veloma chérie a !
Finoana : Veloma koa malalako, ao aloha tena orohako mamy mihitsy ! Rapitso aho manatitra anao rehefa mandeha ianao !
……………………………………………………………………………………………………………………………………………………………

Sedra : Tsofy rano aho ry dada fa hanainga a ! veloma mbola hihaona ! Afaka iray volana aho dia miverina. Amin’izay koa no hatao ny raharahanay sy Finoana ! Veloma koa malalako, tsy manadino anao aho !
Rakoto : Mirary soa r’ise a ! Mitandrema foana satria ny mahery tsy maody anie tsy ela velona e ! Mahereza fa hiady ho an’ny tanindrazana, de tandremo ny kolikoly fa izany mantsy no fositra tsy mampandroso an’ity firenentsika ity ! De aza ela fa efa miandry an’ise aty i Finoana sa ahoana ho izy ianao ?!
Finoana : Veloma akia malalako a ! Efa feno izay tenin’i dada izay. Matoky ny fahendrenao aho, dia aza miova fa mandehana mahitsy foana ary aza manaiky ny tsy marina ! Eto izahay sy dada miandry anao !
Sedra : Mahazo matoky nareo ka ! Izay fa hanainga ny taxi-brousse ! Veloma dada a ! Avia koa malalako horohako !
Rakoto : Tongavasoa zanako a !
……………………………………………………………………………………………………………………………………………………………

Hery : Allô, ça va ve ndry e ! ariva ny pro, le any ambanivohitr’ISandra ! Bôby be io raha mipoaka isika a ! Trano iray folo mianaka, misy taova maromaro izay !
Nasandratra : allô ! Calme elah fa tsy hadinoko le izy e ! Efa Paré za amin’ny fitaovana ! Avy eo aho makany amin’ialahy de miaraka manainga isika !
Hery : Milamina izany e ! Bisous !
Nasandratra : Bisous chérie !
…………………………………………………………………………………………………………………………………………………………..

Finoana : Ary toa tsy mety mahita tory mihitsy aho efa telo andro izay ! Any amin’i Sedra foana ny eritreritro. Asa na manao ahoana izy any izay ?! Ray ô, arovy re iny olontiko iny.
……………………………………………………………………………………………………………………………………………………………

Capitaine : Misy fanafihana hono Isorana izao fotoana izao, Distrikan’Isandra. Mila mandeha ianao ry Sedra izao dia izao miaraka amin’ny éléments. Ezaho samborina velona ry zalahy raha tratra fa aza vonoina mba hanamora ny fisamborana ireo namany.
Sedra : Voaray capitaine a, izao ihany izahay de hanainga e !
…………………………………………………………………………………………………………………………………………………………….

Sedra : Ary misy poa-basy be izy izany. Mila mailo isika ry zalahy a ! Mila avy de hodidinintsika ilay tanàna. Tsy misy mahazo mitifitra fa hataontsika sambo-belona ry zareo ! Mila mahazo baiko amiko vao mitifitra !
Zandary namana : Voaray sefo !
Sedra : Andao ary e !
……………………………………………………………………………………………………………………………………………………………
Sedra : Aza misy mihetsika, basy voafahana ireto manodidina anareo ! Apetraho iny poleta iny raha tsy tia ho faty !
Avy hatrany dia sambory ry zalahy a, fatory chaîne daholo izy telo ireo ! Ary toa i Nasandratra izy izany ?
Nasandratra : Sedra, fa maninona ianao no dia nahavita namadika ahy toy izao e ?
Sedra : Tsisy namadika anao izany eo ry Nasandratra, sady asa ny anay. Mila fongorina teto amin’ny firenena ny mpamadika mpiarabelona toa anareo ireto e ! Hay moa ka asa maloto toy izao no mampanan-karena anareo toy izao e !
Hery : Mifona lesy ry Sedra fa mba avotsory izahay a !
Sedra : Tsia velively raha izaho Sedra no hiray vilia amin’ny ratsy e ! Ao midira haingana anaty fiara ianareo fa tsy eo no mihanahana eo ! Ny fonja no sahaza anareo. Ela nanangonam-patsa ianareo ka nahafeno kapoaka e !
……………………………………………………………………………………………………………………………………………………………

Mpitsara : Allô, madama Bako renin’i Nasandratra ve io ? Tongava aty amin’ny fitsarana ianao fa aty ny zanakao tra-tehaky ny mpitandro filaminana nangalatra taova.
Madama Bako : Ahoana tsara hoe…(mianjera sy torana)
Ranary : Fa misy inona no toa nianjera tampoka teo ianao e ? Bako, Bako a….Ary toa tsy mitempo intsony ny fony. Andriamanitra o, maty ny vadiko marina. Bako a(mitomany)
Fa iza ilay niantso azy teo, andraso hoe averina antsoina. Allô, fa iza angaha io azafady
Mpitsara : Tompon’andraikitra avy aty amin’ny fitsarana. Saron’ny mpitandro filaminana tamin’ny alina ny zanakareo vavy ka tongava aty amin’ny tribinaly Fianarantsoa ianareo izao dia izao. Veoma
Ranary : Fa inona daholo ary izany ry lanitra ô ! Ny vadiko….ny zanako (mitomany)
Aleo aloha ny razana no karakaraina de aleo mijanona any ny mommba an’i Nasandratra. Efa mba nananatra ihany aho fa sitrapo ny azy. Zao ny vadiko maty noho ny hadalany. Ny fanaovan-dreniny baranahy ny fitaizana azy ihany no nahatonga izao rehetra izao. Mafy nefa atao akory, izy efa maty tsy hita homena tsiny. Veloma ianao ry Nasandratra fa tsy mahefa manavotra anao aho, sady fonja no mendrika ny mpanao ratsy.
…………………………………………………………………………………………………………………………………………………………….
Mpitsara : Fitsarana ! Ramatoakely Nasandratriniana Alice sy ramose Heriniaina Fredo ary ramose Fidison Liva dia helohin’ny lalana higadra mandrapahafy ary mandoa onitra zato tapitrisa ariary noho ny famonoana olona notaterahin’izy ireo tamin’ny alalan’ny fangalarana taova. Mikatona ny fitsarana !
…………………………………………………………………………………………………………………………………………………………….

Sedra : Ato ve ry dada a ! Mba sokafy azafady e !
Rakoto : Ho avy e !
Sedra : manao ahoana i dada ! Salama tsara a ?!
Rakoto : Eny salama tsara aho anaka ary ise ? Soa fa tongasoa aty amin’ny toerana nahalatsahan-tavony indray !
Sedra : Misaotra betsaka ry dada a ! De soa koa ianao tratra !
Rakoto : Fa inona aloha no vaovao avy any amin’ise e ! Elaela ihany mantsy izay iray volana izay !
Sedra : Tsy dia misy ry dada a ! Niakatra grade indray aho ! Azonay velona mantsy ireo dahalo raindahiny mpaka taova tany ambanivohitra e !
Rakoto : Arabaina aloha ise tsy maty fo aman’aina e ! De félicitations ihany koa amin’izany galona izany ! Tena tsy nampoiziko ho toy izao mihitsy ny fiainantsika anaka ! Mpanary fako anie no asako e !
Sedra : hain’Andriamanitra ny zavatra rehetra ry dada a ! Ary efa voalaminy izao fiainantsika izao !
Rakoto : Tena marina anaka ! Ary i Finoana ve efa naheno ny fahatongavan’ise ?
Sedra : Efa naheno izy ry dada a ! rapitso izy no ho tonga eo, sady efa hatao amin’izay mantsy ny raharahanay e !
Rakoto : Hay e ! Hanana namana amin’izay ny zanako lahy marina ! Jereo aloha any an-dakozia any fa misy zakafo mipetrapetraka ao ! De tsarà mandry ise fa somary vizabizana aho izany ka handeha hatory !
Sedra : Eny ry dada a, tsarà mandry koa ianao !
………………………………………………………………………………………………………………………………………………..


Finoana : Ny malalako, manao ahoana ianao ? Inona no vaovao elabe ?!
Sedra : Salama tsara akia chérie a ! Ny vaovao aloha de misy e, fa na eo aza izany dia tena ngôma anao zah malalako !
Finoana : Ao aloha horohako izany malalako izany e !
De tantarao amin’izay ary ny vaovao !
Sedra : Henoy ange e !
…………………………………………………………………………………………………………………………………………………….

Finoana : Dia izany ve no niafaran’i Nasandratra sy i Hery e ?! Malahelo azy ihany aho nefa tsara ho anatra ho antsika tanora sy ireo mitovy amintsika izao. Tsy mitondra mankaiza ny vola, ary izay azo amin’ny makarakara tsy tana izany.
Fa avelao any aloha izany resaka izany fa aleo isika hiresaka mahakasika ny raharahantsika ka !
Sedra : Marina tokoa re izany a ! Fa rahoviana hoy izy malalako no tianao hatao ilay izy ?
Finoana : Na rapitso aza dia tsy maninona fa vonona aho e !
Sedra : hahaha mahita ho tenenina mihitsy ity malalako ity !
Finoana : Ka mba efa elabe ihany ange izay niandrasako anao izay e !
Sedra : Eny akia ! Aleo ataontsika afaka tapabolana ilay izy ! Mbola maro ihany mantsy ny fikarakarana hatao e, ny olona hasaina sns…ny vola indray mba efa vonona aloha ! Fa aleo isika ry chérie rehefa stable tsara any an-tokantrano dia mba hanao asa soa e !
Finoana : Tena mety amiko izany lamina izany ! Afaka tapabolana izay izany ilay izy. Raha ny resaka bénévoles indray dia tsy mampaninona mihitsy fa tena tiako loatra !
Sedra : Tsy ho toy izao tokoa moa ny fiainako raha tsy teo ianao e ! Tsy ho lasa mpitandro filaminana mihitsy ! Misaotra akia rahavako a !
Finoana : Efa voalahatra akia izao malalako a !
……………………………………………………………………………………………………………………………………………………………
MARIAZY
Sedra : Miala tsiny indrindra tompokolahy sy tompokovavy raha mandray fitenenana kely. Te hisaotra anareo izay tong amaro be izay manatrika izao mariage izao e ! Mankasitraka indrindra nahafoy fotoana tonga nanotrona anay roakely !Andriamanitra anie hamaly soa anareo !
Mpanotrona : (mitehaka)
Sedra : Mamelà ahy ihany koa ianareo mba hisaorako eto imasonareo an’i dadako izay nikely soroka ho ahy ! Mpanary fako no asany ary niezaka izy nanao izay hahatafita ahy toy izao. Misaotra dada a !
Mpanotrona : oeeeeee
Sedra : dia mamela ahy ihany koa ianareo hisaotra an’i Finoana satria tsy nataony sakana tsy hitiavana ahy ny fahantranay tamin’izany fotoana ! Tena fitiavana ny azy satria mbola tsy tafita aho no efa ti aizy ary izy ihany koa no anisan’ny nahatongavako amin’izao toerana misy ahy izao !
Mpanotrona : bisous ! bisous ! bisous ! (mihorakoraka)
Sedra : Avia ary izany malalako izany hotroniko eto imason’ny vahoaka mialohan’ny hanapahana ny mofomamy e !
…………………………………………………………………………………………………………………………………………………………..

Finoana : Nalaza be kosa iny mariazintsika iny a ! Vita ihany ilay izy !
Sedra : Tena nahafinaritra aloha e ! Tena faly aho ary sambatra koa satria vehivavy misy fanahy no nomen’ilay mpahary ahy !
Finoana : Aho koa tena faly satria nahazo lehilahy marina toa anao !! Je t’aime !
Rakoto : tok tok tok…ato ve ianareo e ?
Finoana : Eny ry dada a, mandrosoa e !
Sedra : Salama dada a ! Inona no vaovao ?
Rakoto : Salama tsara ka ! Mba tonga mitsidika anareo roakely !
Finoana : Misaotra betsaka mamangivangy anay ! Sady efa manina anao sahady izahay io !
Rakoto : Misy hafatra tiako hampitaina aminareo roakely ity izay no nahatongavako. Tandremo ny fitiavam-bola fa tsy mitondra mankaiza ary fadio ny manao tsinontsinona mpiarabelona.
Madama Bako anie ka maty tanora e. Tapaka lalan-drà izy raha naheno fa azon’ny mpitandro filaminana ny zanany vavy.
Sedra : Mahazo matoky ianao ry dada fa tsy hamerina ny zavatra niainantsika amin’ireo mpiarabelona izahay e !
Raha ny nahasambotra an’i Nasandratra indray dia izahay anie ry dada e ! Nanao afera taova ry zareo ! Any mo aizy iny nigadra mandra-pahafatiny miaraka amin’ireo namany.
Rakoto : Zany ve anaka ?! Raharaha tokoa ny azy izany. Mampalahelo izy fa atao ahoana moa. Anatra ho anareo fa ny anay moa efa ho tapitra ihany ny fiainana.
Finoana : Misaotra betsaka ry dada amin’ny fananarana a ! Hiezaka izahay hanao ny tsara foana ! Sady ny tody ange tsy misy fa ny atao no miverina e ! Ary ny vola tsy hitondra antsika any mozole ! Raha vitan’ny vola daholo ve ny zavatra rehetra, mo ave ho faty toy izany i Madama Bako ?!
Mirary soa ho anao dada a , Ho lava velona !
Avelako eo aloha ianareo mianaka fa hikarakara sakafo izaho.

……………………………………………………………………………………………………………………………………………………………
TAPITRA
Mpanoratra : NY HERIMAR





Hevitra mandeha

MAZ RAMANA (22/08/2021 13:35:53)

ACHAFADiiii! Hihihih, ze tsy niomehy irery namaky an'ity kosa aloha mandainga eh! Tsara re ah!