NY TENA NAMANA - NY HERIMAR

Azo vakiana?

NY TENA NAMANA

Fa ny tena namana lehiretsy：
mamonjy foana amin'ny sarotra,
lavitr'azy raha ny hevi-petsy
mahay miaina tsy be adivarotra

Fa ny tena namana ho aho:
tsy miandry dera avy aminao,
Tsy mangataka anao hitalaho
Vao hahalala ny tokony hatao

Fa ny tena namana ry zareo：
tsy mijery tava na harena,
Manampy raha misy toreo
Miasa fa tsy mihenahena

Fa ny tena namana ry olona:
miaro anao amin'ny fahavalo
ka na mora na mafy ny tolona
vonona foana  tsy mimalo

Fa ny tena namana ry sakaiza：
tsy manantena tambiny aminao
mahafoy foana hatraiza hatraiza
ary eo foana tsy handao

Fa ny tena namana razoky :
tsy mpitaribato mivilam-bava
fa olona tena mahatoky
sy  ho marina  lalandava.

Fa ny tena namana Ragasy:
Misahirana  ireo mahonena,
am-po madio tsy mihasihasy
no hankahalany ny fitiavan-tena.

NY HERIMAR 21/02/19

Hametraka hevitra

Midira aloha

Mombamomba

Mpanoratra : NY HERIMAR

Nampiditra : Herimar
Daty : 12/09/2019
Mpamangy : 280
Mankafy : 1

Tononkalo hafa

NY LALANTSIKA
ANDRANDRAM-PAHAFAHANA
RY LEHILAHY
Nofy RIRININA
NY MARIN'I GASIKARA
NY ETO AN-TANY
RAHA HANAMPY IHANY
NY RENY SY NY RAIKO
ANY AM-PASANA AHO MIANDRY ANAO
VAVAKY NY ADOLASENTO