POETA - NY HERIMAR

Azo vakiana?

POETA
Ny ankamaroan'ny poeta tsy mba mety matavy
Ny anton'izany dia tokana ihany;
Satria mifoha alina fa tsy mamosavy,
Mikaroka ny miafina any ambadika any.

Mpaminanin'ny tany tsy ira-janahary,
Mpanambara ny re sy hita miharihary;
Mpisolovavan'ireo madinika ianjadiam-pahoriana,
Mpitondra fanantenana sy mpizara hafaliana.

Mpanonofinofy sy mpibanjina habakabaka,
Mandinika ireo tranga, misaina tena miavaka;
Mpitety ny havoandasa misavasava izay ho avy,
Ny tanany miketrika sanatria ny hiraviravy.

Dia izay ilay poeta, ilay enjenioran'ny teny,
Ny rima sy ny ngadona sombiny amin'ny famboleny;
Milalao kisarisary hoentina hampitana hafatra,
Mandany rondoha mba hanomezana izay lafatra.

NY HERIMAR 06/05/2019

Mombamomba

Mpanoratra : NY HERIMAR

Nampiditra : Herimar
Daty : 06/09/2019
Mpamangy : 217
Mankafy : 0

Tononkalo hafa

Mpianaka MATIM-BONINAHITRA
TE HO POETA AHO
TSIKY SY TOMANY
TSY MAINTSY MANAIKY
Ho AN'I DADA MALALAKO
Moa ve misy?
TALAHO FARANY
AZA ANDRASANA
FEON'NY MANINA
NOHO NY AMIKO