SAINTSAINO (NY HERIMAR)
Mbola tsisy niantsa
(Nalaina tao amin'ny vetso.serasera.org)
SAINTSAINOEh ianao ry ilay tiany sy ilay nijaliany,
Tsarovy fa eo am-pelantananao ny fony;
Tadidio fa natokany ho anao ny fifaliany,
Ary hatreto ilay fitiavany mbola tsy mitony.
Aza odian-tsy hita na odian-tsy fantatra
ilay fony tia sy matoky anao fatratra
fa tsy ho zaka velively, tsy ho leonao hatreto
ny todim-pitia nomeny, nigohan'izy sento.
Aoka ianao ho tonga saina hibanjina ny lasa,
Aza avelanao ho very maina ireo voady nokinasa
fa iainany any fahoriana tsy roa aman-tany,
Toloko tsy sesilany arahiny tomany...
NY HERIMAR 06/02/2017
--------
Rohy:
