TE HO POETA AHO - NY HERIMAR

Azo vakiana?

TE HO POETA AHO

Tsy misy ainga fa nandray penina,
Niasa saina kely nibitsi-tao am-po;
Nalefako ny fanahy nitondra tamberina,
Namoha ireo tsiaro nalevina taloha.

Gaga ny saiko amin'ireto poeta,
Ilay tato an-dohako no efa voasorany...
Saingy amin'ny fomba voatefy talenta,
Izay ao am-pony no tena naborany.

Maniry aho marina ho lasa poeta,
Mba mikasa mafy hitety habakabaka;
Handeha hitady lafatra sy avo lenta,
Hanandratra ny teny tsy ho any an-davaka.

Tsy hampaninona ahy ny hiari-tory
Raha izany no hahitako ny marina;
Hanoratra Koa hampitsiky ireo ory
Sy ho an'ireo lavo maniry hiarina.

Te ho poeta aho ho an'ireo very Zo,
Te ho poeta aho hisolo vaika azy;
Te ho poeta aho hitsikilo izay soa,
Te ho poeta aho ho an'ireo voasazy.

Te ho poeta aho hamoha ny omaly,
Te ho poeta aho hamantatra ny ho avy;
Te ho poeta aho ho an'ireo mijaly,
Te ho poeta aho hanaja ireo fady

Ny Herimar
19/06/2021
01:09'
Maroc

Hevitra mandeha

tononkaloNM (24/06/2021 07:33:59)

Mankasitraka e!

Mombamomba

Mpanoratra : NY HERIMAR

Nampiditra : Herimar
Daty : 19/06/2021
Mpamangy : 331
Mankafy : 1

Tononkalo hafa

RY ZANAKO VAVY
MISY FARANY
ANA-JOKY
Mpianaka MATIM-BONINAHITRA
TSIKY SY TOMANY
TSY MAINTSY MANAIKY
Ho AN'I DADA MALALAKO
Moa ve misy?
TALAHO FARANY
AZA ANDRASANA