TENA FENO NY FITIAVANAO - NY HERIMAR

Azo vakiana?

TENA FENO NY FITIAVANAO

Fotoana maro tsy voaisa
no nibanjinako mafy anao;
Ankehitriny analinkisa
Raha ny akom-pitiavanao.

Nasehonao tamin'ny asa,
Nibaribary tamin'ny fihetsika;
Voron-kely voarasa,
Taovan-kena voatetika.

Injany fitiavanao ahy,
Fitiavana feno fankahalana;
Tena tsy mampiahiahy
fa fitiavana tsy azo ilakana.

Raha ny avona sy ny tariny,
Ohatran'ny bay an-kandrina;
Efa im-piry izaho no nanariny,
Efa im-betsaka no nifanandrina.

Ny valin-teny moa mihabotolo,
Ny vavaratsy miraradraraka;
Sakay pinjy be tongolo,
Sady mandemy no mahavalaka.

Injany ka tena fitiavana,
Fitia tsy miharo fitaka;
Teo am-pitenenana fandavana
Nahitako anao nibitaka.

Tena feno ny fitiavanao,
Tsy misy intsony hanampiana;
Ampy ho ahy ny vitanao,
Zakaiko na dia fahoriana.

NY HERIMARO
20/12/2019
16：29'
Maroc

Mombamomba

Mpanoratra : NY HERIMAR

Nampiditra : herimar
Daty : 20/12/2019
Mpamangy : 792
Mankafy : 0

Tononkalo hafa

RY ZANAKO VAVY
MISY FARANY
ANA-JOKY
Mpianaka MATIM-BONINAHITRA
TE HO POETA AHO
TSIKY SY TOMANY
TSY MAINTSY MANAIKY
Ho AN'I DADA MALALAKO
Moa ve misy?
TALAHO FARANY