VEHIVAVIN'NY ALINA - NY HERIMAR

Azo vakiana?

VEHIVAVIN'NY ALINA
Miandry izay ora hamaty masoandro
ireto vehivavy mpatory atoandro.
Ny azy tokoa tena hafa tanteraka
fa manjono ireny kanosa somary miveraka.

Izy miavaka lavitra amin'ny mpamosavy
ka hoe hamely mafy fa tsy miangavy,
Fa ireny bandy ireny langoiny tsara
Anetsehany ny vatany, tonga dia tara.

Na ririni-mamirifiry na andro mafana
dia tazana foana eny ambany tanàna.
Tsy atahorany mihitsy raha izany aretina
ka tapin-taova ihany sisa no entina.

Ny ratsy marina, hono, tsy tery lalana
Fa dia vadin'olona hany no iadanana;
Fahasambarana vetivety anaty minitra
Rehefa ialany lasa mipitrapitra...

Vehivavy ratsy vintana sa ratsy safidy
ka dia milomano loatra amin'itony asa mangidy?
Tsy nisy mpanontany sa hoe lany zara
no tsy matory an-trano amin'itony andro manara?

Amiko,tokana ihany no anton'izao:
dia ny hakamoany hampiasa ity saina
nefa te hahazo mora izay rehetra ilaina
farany mivarontena no sisa atao.
NY HERIMAR
26/02/2019

Mombamomba

Mpanoratra : NY HERIMAR

Nampiditra : Herimar
Daty : 06/09/2019
Mpamangy : 295
Mankafy : 0

Tononkalo hafa

Mpianaka MATIM-BONINAHITRA
TE HO POETA AHO
TSIKY SY TOMANY
TSY MAINTSY MANAIKY
Ho AN'I DADA MALALAKO
Moa ve misy?
TALAHO FARANY
AZA ANDRASANA
FEON'NY MANINA
NOHO NY AMIKO