Dada miatrika fiainana - Ny zo Rado Herizo

Azo vakiana?

Miezaka hiasa na dia efa marary
vao mangiran-dratsy dia ef' antanimbary
Tsy mba handrenesana izay fitarainana
Izany no Dada miatrika fiainana

Miainga maraina vao maneno akoho
Mahalana izy vao mba mody aloha
Mampiasa herin-tsandry, mampiasa fisainana
Izany no Dada miatrika fiainana

Mioitra, milofo hitondra hafaliana
Miezaka handresy ny tsy fahampiana
Minia tsy mihaino ny fanaintainana
Izany no Dada miatrika fiainana

Olona anefa ka indrindray mety kivy
Nohon'ny adim-piainana mihoatra ny adidy
Saingy raha mitanondrika tsy ahitan-teny
Avy hatrany dia am-paherezin'i Neny.

Ny zo

Ankafizo

Sokajy : fiainana

Hevitra mandeha

SOBIKA (29/11/2004 16:25:19)

HUMM MARINA ZANY! enga anie mba ho toy izany daholo ny Ray malagasy rehetra eh de ny Reny rehetra koa mba hanome fampaherezana avokoa!

za zany le mamaky tonokalo vao mikarepoka eh @ le mbola manitra be vô tsy nisy nampiditra hevitra!
tohizo fa ao tsara eeeee
sobika